Vel rúmlega 100 manns sóttu Klasasprengju á Hótel Selfossi þann 11. febrúar sl. Það var Atvinnuþróunarfélag Suðurlands ásamt Markaðsstofu Suðurlands og Ferðamálasamtökum Suðurlands sem hlóðu sprengjuna og þeir klasar sem Vaxtarsamningur Suðurlands og Vestmannaeyja hefur styrkt síðastliðin þrjú ár munduðu kveikjuþráðinn. Niðurstaðan var frábær skemmtun og fróðleikur í máli og myndum ásamt skemmtilegum uppákomum.

Vaxtarsamningurinn hefur stutt við 42 verkefni á síðastiðnum þremur árum. Verkefnin eru af ólíkum toga og með ólíkar stefnur og markmið en það var einmitt það sem gerði þennan fund svo áhugaverðan. Klasarnir kynntu sig og sínar afurðir með fyrirlestrum og í þess til gerðum kynningarbásum og þátttakan fór fram úr öllum væntingum.

Atvinnuþróunarfélag Suðurlands, Markaðsstofa Suðurlands og Ferðamálasamtök Suðurlands halda svokallaða Klasasprengju ...

Klasasprengjan felur í sér tækifæri fyrir alla 42 klasana sem VSSV hefur komið að með stuðningi að kynna afurðir sínar og fyrirætlanir.

Tilgangur verkefnisins er að fagna góðum árangri samstarfs á Suðurlandi, kynna það fyrir hvert öðru og hvetja til frekari samstarfs og hugmyndavinnu á milli klasanna.

Allir velkomnir !